منتدى الفرح المسيحى - شخصيات كتابية نتعلم منها (جندي نعمان السرياني)

https://upload.chjoy.com/uploads/159835316472061.jpg

جندي نعمان السرياني اتكلمنا عن نعمان السرياني
وعرفنا ان في شخصيتين ساعدوا بشكل كبير
في زيادة إيمان نعمان وانه يشفى
والحقيقة الشخص أو أكتر من شخص برغم انه لم يذكر عنهم سوى آية واحدة فقط في سفر الملوك الثاني الأصحاح الخامس
فَتَقَدَّمَ عَبِيدُهُ وَقَالُوا: «يَا أَبَانَا، لَوْ قَالَ لَكَ النَّبِيُّ أَمْراً عَظِيماً أَمَا كُنْتَ تَعْمَلُهُ، فَكَمْ بِالْحَرِيِّ إِذْ قَالَ لَكَ: اغْتَسِلْ وَاطْهُرْ؟».
في الترجمة السبعينية الآية بصيغة المفرد يعني عبيده كان واحد يتكلم عنهم
علشان كده كان لازم نسلط الضوء على الشخصية دي لأنها ليها تأثير كبير في إيمان نعمان
1- الجندي المخلص
من اخلاصه لنعمان انه ملازمه في كل مكان
مش بس علشان هو قائده لكن من كلامه " يا أبانا" معناها انه يخلص له لأنه يحبه
2- الجندي المشجع
كان ممكن لما نعمان غضب وقال ان أنهار بلادي افضل من كل أنهار إسرائيل
كان ممكن الجندي يطاوعه لكنه كان مشجع وأعطاه الأمل انه يشفى على يد أليشع النبي
3- الجندي الأمين
عرفنا أن نعمان كان مصاب بالبرص ومن المؤكد انه كان بيخفي مرضه عن ناس كتير علشان لا يظهر ضعفه قدام الناس لكن من أمانة الجندي انه كان معاه حتى إلى النهر للاغتسال وهو أول واحد لاحظ شفاء نعمان
تعالوا نطبق اللي اتعلمناه
1- حاول على قدر امكانك ان تتأقلم على ظروف عملك وتحب عملك لأنك لو أحببت عملك هتنجز انجازات كبيرة فيه
2- كن مشجع للكل لأن الناس في أمس الحاجة لكلمة طيبة
3- كن أمينا لأسرار غيرك ولا تبيح بيها مهما حدث من خلاف
لأن الإنسان النقي هو اللي يختبر في حفظ الأسرار وقت الخلاف