منتدى الفرح المسيحى - لا تجعل القلب يصطحبك لألم الروح

https://upload.chjoy.com/uploads/159813846594721.jpg

جميل إحساس التعلق حتى يأتيك الفقد
بنتعلق بأشخاص وندخلهم في حياتنا ونقربهم من قلوبنا لحد مانتعلق بيهم،
والتعلق بيحسسنا بالسعادة، فنربطهم بمشاعر جميلة ونحس إن إحنا ملكنا الكون في وجودهم،
ولما بيبعدوا بنحس بوحدة وبتعاسه، أما لما بيختفوا تماماً بقى بنحس بوجع وألم،
وده إسمه الشعور بالفقد...
للفقد شعور قاسي على القلوب وكأن الروح تايهه في ملكوتها بتدور على فقيدها
ملهاش مرسى غير بقرب الفقيد، وتتدخل في دايرة إنك بتدور في كل الوشوش
يمكن تلاقي فقيدك...
الفقد من أكثر الأشياء اللي بتوجع وتحسسك بالوحده لأن التعلق كان سابق بخطوتين...
خلوا دايماً مسافه بينكم وبين اللي قدامكم عشان ماتتعلقش بيه عاطفياً ونفسياً
فتحس بالحزن ووجع الفقد.
"الروح تتألم من الفقد عندما يعشق القلب التعلق"
"فلا تجعل القلب يصطحبك لألم الروح"