منتدى الفرح المسيحى - جربت تركب البالون ؟

https://upload.chjoy.com/uploads/159749194482191.jpg

جربت تركب البالون
اللي بيخليك طاير كده فوق.. وشايف كل حاجة
جميلة ومتناسقة مع بعض وشكلها مُبهر من فوق؟
وبعدين تنزل تاني على الأرض
بعد ما الربع ساعة اللي مأجرها تخلص
وتلاقي المناظر مختلفة تماما!
تلاقي أكوام زبالة هنا وبيوت قديمة مكسرة هناك
ومساحة الصحراء والفضاء أكبر من اللي شوفته وإنت فوق؟
احنا كمان في حياتنا محتاجين من وقت للتاني
نبص على حياتنا من فوق
وبرضومحتاجين ننزل نبص عليها من تحت
ونركز في أركانها كويس،
ونركز إيه اللي محتاج تصليح أو تعديل ونعمله..
وإلا هنتصدم ونتخض.. وطبعا هنتضغط
لو كنا طايرين فوق وفجأة هبطنا على أرض الواقع!