منتدى الفرح المسيحى - طوبى لكل شخص على صوره الله و مثاله

https://upload.chjoy.com/uploads/159739307909411.jpg

ربنا قال طوبى للرحماء..💞
نقدر كمان نقول..
طوبى لكل شخص بيكون عارف وجع اللى قدامه و مبيقربش ليه ولا يدوس عليه..!!
طوبى لكل شخص بيكون امين فى مشاعره و حبه و علاقته مع شريك حياته..!!
طوبى لكل شخص بيحترم اللى اكبر منه و بيساعده و بيلتمسله العذر وقت ما بينسى..!!
طوبى لكل شخص بيسامح و بيغفر و بينسى الاساءه..!!
طوبى لكل شخص بياخد باله من كلامه و الفاظه و بيخاف يجرح اللى قدامه بكلمه او بنظره..!!
طوبى لكل شخص بيحتمل ضعف اللى قدامه و قله حيلته و مش بيعايره بكدة..!!
طوبى لكل شخص بيحاول على قد ما يقدر يوزع فرح و خير و سلام و محبه..!!
طوبى لكل شخص امين فى وعوده و كلامه..!!
طوبى لكل شخص قدر يستر على ضعف غيره اللى اتكشف قدامه..!!
طوبى لكل شخص صادق و صندوق اسرار امين لصديقه..!!
طوبى لكل شخص بيتعامل بمحبه بدون رياء..محبه خالصه من اى مصالح..محبه نقيه و نضيفه..!!
طوبى لكل شخص لسه من جواه "انسان"..!!
طوبى لكل شخص على صوره الله و مثاله..!!
طوباكم يالى لسه بتعرفوا تحبوا بجد..!!💗💗