منتدى الفرح المسيحى - الرازق و المرزوق

https://upload.chjoy.com/uploads/159718233575661.jpg

الرازق هو الله و المرزوق هو الإنسان.. زي الفاعل و المفعول بالضبط..

و للرازق ما يري في توزيع الرزق ..

فيه جهد و اجتهاد اكيد ، لكن في النهاية المتحكم الأوحد في الرزق هو الله الرازق

و له أن يفعل ما يشاء في ارزاق أولاده حسب حكمته ..

يبقي لو حد حسد حد علي ماله أو حارب حد في رزقه ، يبقي بيحارب الرازق مش المرزوق

، و بيعترض علي توزيع الله لخليقته..

اللي يشوف حد رزقه واسع يتمني له الخير و الوسع و الكرم ،

و يقوله ربنا يرزقك بالخير و يوسع خيرك من ورا رزقك ..

لو حد حسدك او حاربك في رزقك ، ح يبقي كده واقف قدام الرزاق الأعظم ؛
كده رزقه هو اللي ح يقف لأنه بيقاوم الله ،
ورزقك انت اللي ح يتضاعف لان الله ح يبقي معاك و في صفك صد اللي ظلمك ..

افرحوا لرزق الناس و تمنوا لهم الخير، فرحتكم تزيد و رزقكم يزيد اكتر ..