منتدى الفرح المسيحى - ماغلطش إللي قال حيرتي العلماء

https://upload.chjoy.com/uploads/159701134951321.jpg

لو كان الألم معناه إن الله ناسينا ...
كانت العدرا أول واحدة صرخت "إنت فين يارب؟؟"
لما كانت متبهدلة ف عز البرد و مش لاقية مكان تولد فيه .. 👶👶

لو كان الألم معناه إن ربنا ببيعاقبنا ويخلينا نخاصمه ونبعد عنه ..
كانت العدرا أحق واحدة تخاصمه لما تبقي متبهدلة
وهربانة لبلد تانية ؛ و الناس بتطردها و ترفض تديها حتى الأكل .. 😕😕

لو كان الألم معناه إن ربنا مش موجود ...
كانت العدرا بقت أول الملحدين لما شافت ابنها
و ضناها بيتعذب و بيتجلد و بيتصلب .. 😣😣

ماغلطش إللي قال " حيرتي العلماء" 🤔🤔

كنتي عاملة إزاي عشان تتحملي كل دا بفرح!!
كان عندك إيمان شكله إيه إللي يقبل كل ده بحب
و ثقة إن الألم وراه بركة :)

بحق مدايحك إللي هتترفع ف الكنايس الأيام دي
؛ إدينا بس نتعلم منك الصفة دي..
إدينا حبة تحمّل من بتوعك دول ..
علمينا نتصاحب على الألم زيك كدا و نقبله بشكر و فرح 😇

صحيح ..
أصل لو مكنش إختارك إنتي كان هيختار مين؟!!