منتدى الفرح المسيحى - السلام للملكة أم الملك 👑👑

https://upload.chjoy.com/uploads/159687499350581.jpg

بصي يا أمي ♥️
احنا السنة دي ، مش عازمينك على عُرس قانا الجليل !!
مافيش نهضة ، مافيش سهرة ،
مافيش فرح ولا تصقيف ولا زغاريط ..! 💔💔
احنا السنة دي ، داعينك واحنا فرحنا مكتوم ،
وخمرنا مالوش طعم ، واجراننا مليانة مُر ..! 😞
داعينك تشاركينا أوجاع وأحزان وضيقات قلوب كتير ..
ومستنيين كلمة بثقة منك ...✋🏻
#ليس_لهم_خمر_يا_ابني_والهي 🤲🏻
منتظرين دالتك يا أم الإله ... فنقوم نحضر الأجران ،
وبكلمة منه ، مهما كان الوقت بدررري ،
نلاقيه عشانك بيغير الأزمنة والأوقات ...
ويحول المُر لخمر الأفراح ... ❤❤
السلام_للملكة_أم_الملك 👑👑