منتدى الفرح المسيحى - افتحي ابوابك يا كنيسة ورجعي أحلي الاوقات

https://upload.chjoy.com/uploads/159649372549891.jpg

خلاص الكنيسة هتفتح ♥️💒 وهنرجع من تأني نسمع صوت الأجراس 💒
وهنعدي من قدامها ونلاقي بابها مفتوح 😍🤲🏻 #أجعل_يا_رب_باب_كنيستك_مفتوح_دايماً 🤲🏻♥️
هنرجع لخلواتنا وقدساتنا هنرجع بعد ما عرفنا قيمتها وخلاص حنينا ودوبنا ليها 💔
هنرجع بعد ما اتاكدنا ان ف بعدنا عنها نفسيتنا مَش كويسة 💔
هنرجع لفرحتنا تاني ف حضنها ونشوف حضن الاب مفتوح لينا باستمرار ♥️
هنرجع لأديرتنا اللي اتحرمنا منها أكتر من ٤ شهور 💒
اينعم القداسات هتكون بالحجز باني املأ استمارة ويتحددلي ميعاد للقداس باليوم والساعة
بس مَش مشكلة المهم انها مفتوحة ♥️💒
عرفنا خلاص قيمتها ؟ عرفنا نفسيتنا ازاي في بعدها ؟ عرفنا مكانتها اي جوانا ؟
طيب هل هنرجع لنقشاتنا وحواراتنا وكلامنا تاني ؟!!!
هما ازاى بيتناولو بالطريقة دية !!! و مش بيتناولو بالطريقة دية !!!
الماستير عمره ما ينقل مرض !!! الماستير ممكن ينقل المرض ؟؟؟ 🙄😔
كل الكلام ده اتقال وهيتقال واكتر منه كمان ..
. ومفيش حاجة اسمها اللي خايف ميتناولش ✋🏻
تخيل لو ربنا لقي التلاميذ خايفين في السفينة يروح يقولهم
" اللي خايف مايمشيش معايا " ؟؟؟؟!!!!!
اللي خايف يتناول ، واللي مش خايف يتناول
حضن المسيح مفتوح للكل ♥️
للتلاميذ اللي خافوا ، ولبطرس اللي أنكر ، وليهوذا اللي خان ، ولتوما اللي شك .
مسيحنا مسيح الكل بدون تمييز ✋🏻😍
#افتحي_ابوابك_يا_كنيسة_ورجعي_أحلي_الاوقات
_ربنا_ما_يجيب_ابداً_تاني_غربة_ولا_بعاد_ولا_فراق 💒♥️