منتدى الفرح المسيحى - الاتر أو الجاكود (سبانخ مفروكه) صيامى بمناسبة صوم العذراء

الاتر أو الجاكود (سبانخ مفروكه)

https://upload.chjoy.com/uploads/159641561428291.jpg

المكوّنات

1/2 كيلو سبانخ
بصله مقطعة صغير
واحده طماطم مقطعة صغير
3 كوب شوربه
ربطه كزبرة
1/2 ربطه شبت
2 معلقه صغيره ثوم مفروم
معلقه كبيره باميه ناشفه (باميه متقطعه ومجففه وبتطحن بالهون)
1/2 معلقه صغيره كربونات
شطه (اختياري)
الخطوات
نغسل الخضره والسبانخ كويس ونأخذ منهم الورق بس
نغلي الشوربه ونحط فيها البصل و الطماطم و ملعقة ثوم صغيرة وربع ملعقة صغيرة كربوناتو
لانه بيساعد على أن الخضار يذوب اسرع ونسيبها تغلي شويه
بعد كده ننزل بالسبانخ و الخضره و ربع ملعقة الكربوناتو و نسيبها تغلي شويه
حوالي عشر دقائق لحد ما السبانخ تتهري خالص ننزل بقي المفراك
و نفرك كويس لحد ما تنعم ونحط ملعقة الباميه الناشفه و ملعقة ثوم صغيرة
و نفرك تاني علشان الباميه ماتعملش كلاكيع
في حال أننا هنعملها بالرز بدل الباميه يبقى لازم ننزل الرز مع البصله في اول مرحله
و بتتقدم مع العيش الكابد وهو عيش نوبي بيشبه القطايف