منتدى الفرح المسيحى

https://upload.chjoy.com/uploads/159629042210571.jpg

اقتل اعزاءك

تعبير شهير بنستخدمه في العلاج النفسي اسمه "اقتل اعزاءك أو
kill your darlings
معناه "اللي يذلك تخلص منه و لو كان عزيز عليك" ..

يعني لو واحد بيستغلك و يكسر نفسك و يبتز مشاعرك ،
ابعد عنه و استغني عن قربه ليك ..

لو حاجة نفسك تشتريها و معكش فلوسها اوعي تقف قدامها
و تتعس عينيك و تعذب خيالك ؛ سيبها و ارضي باللي عندك و في امكانياتك و تقدر عليه و تنبسط بيه النهاردة .
. و لما يجي بكرة ح تلاقي عندك اللي احسن منه ..

لو أكلة طعمة بس ح تأذيك و ترفع لك الضغط أو الكولسترول
و السكر و ح تسببلك السمنة ، بلاها احسن ..

ح تكتشف أنك قدرت تعيش كويس قوي من غير حاجات
أو اشخاص كنت فاكر انك مش قادر تستغني عنهم ..

طبعا الاستغناء مؤلم جدا ، و معاه أعراض انسحاب
تشبه اللي بيحصل في الإدمان ..

بس بعد شوية بتحس نفسك حر و قوي و منتصر
و نفسك عزيزة و كرامتك مرفوعة ..

"اقتل اعزائك" يعني استغني عن أشخاص أو حاجات بتحبها
و مسلسلاك قبل ما يذلوك هما و يضروك و يستغنوا عنك
، و يسيبوك قليل و مكسور من غيرهم بعد ما نهشوا عضمك
و اكلوا لحمك ..