منتدى الفرح المسيحى

https://upload.chjoy.com/uploads/159579705171631.jpg

هو كده، طبعه كده ، تربيته كده و نشأته كده ..

منين ما تحطه يزرع زعل و خصام، بقه سابق عقله ، وودنه سابقة تفكيره..

حتي لو حاول يبقي لطيف، بيبقي مفضوح من نيته اللي طالعة علي "سحنته" علي رأي المثل !!

كلامه مر ، تصرفاته مرار ، قراراته أمر من المرار ..

تعرفه من أصحابه، يعز قوي يقعد مع الفقريين و المكايدين و المعاندين..
و يحب يسمع اللي يضايق الناس و يقرفهم بيه ، و يسعي في الشر و يستخبي ورا السهتنة و المكر ..

كلامه عكس بعض ، يوعد و ما يوفيش، و ينوي و الشر و لا يبينش..

فنان في الأذية ، أستاذ في التوقيع بين الناس ،
و اشطر واحد يخبي كل ده تحت غطا الأخلاق و المباديء و التدين ..

عمرك ما تطلع من وراه بحاجة تريح ، ينيمك في نكد و هو بيضحك
، و يقلب حياتك و هو بيتسهوك ..

النكدي لما ما بيلاقيش حد يقرفه، و ده غالبا مستحيل، بينكد علي نفسه و يقول "كمان" !!

فين ده من اللي كله حب ، و بيريح الكل ، اللي علي لسانه ابيض زي قلبه
، و اللي في عمله خير زي اللي في فكره ..

و لو تقدر تبعد ، علشان ساعات بيبقي صعب ، ابعد عن النكدي و ادعي له قبل ما تغني له !!