منتدى الفرح المسيحى

منتدى الفرح المسيحى (https://www.chjoy.com/vb/index.php)
-   شبابيات الفرح المسيحى (https://www.chjoy.com/vb/forumdisplay.php?f=91)
-   -   خيرٍ تعمل (https://www.chjoy.com/vb/showthread.php?t=700019)

walaa farouk 24 - 07 - 2020 10:57 PM

خيرٍ تعمل
 
https://upload.chjoy.com/uploads/159563127665951.jpg



المثل الصح "خيرٍ تعمل ، خيرٍ تلقي "
، حتي لو اللي حصل مؤقتاً "شرٍ تلقي" ..

ليه ؟؟

لأنك مش بتعمل الخير للبشر اللي طبعهم الشر "الشر" ، انت بتعمل الخير للله اللي طبعه "الخير" ..

داود عمل كل الخير لشاول، و غلب له جليات
و رجعله كرامته قدام شعبه .. و كان جزاؤه ٣ محاولات قتل
و مطاردة مستمرة خلته هارب في الصحرا ٧ سنين ..

و كمل داود في فعل الخير ، فرفض الانتقام من شاول مرتين
رغم انه كان نايم علي باب مغارته ، و رفض يقول عليه كلمة شريرة
، و رغم كل ده كان بيسميه "مسيح الرب" ..


و مات شاول منتحر في الحرب ، و كمل داود امانته
و أمر بدفنه كملك و كتب فيه "مرثاة" عميقة و صام في يوم دفنه إلي المساء ..

و ربنا اكرم داود كل كرامة و خلاه اعظم ملوك الشعب بسبب امانته ..

شفت الخير؟؟

اوعي تزعل من الناس لانها بترد علي احسانك بالشر لان ده طبعهم ..

انت ما تتوقعش منهم حاجة اصلا ، و قدم الخير لربنا مش ليهم
، و عاملهم بأخلاقك مش باخلاقهم
..

و الخير اللي بتعمله بيتخزن لك في قلب الله ، و ح يلف و يرجع لك اضعاف مضاعفة و ح تتمتع بيه كل ايامك علي الارض و كل عمرك في الابدية ..

يبقي "خيرٍ تعمل يمكن تلاقي شر من الناس اللي طبعهم شر ،
بس ح تلاقي كل الخير من الله إله كل خير " ..


الساعة الآن 10:05 AM

Powered by vBulletin® Copyright ©2000 - 2025