منتدى الفرح المسيحى - ماتخليش الروحيات تمنعك ان تكون انسان

https://upload.chjoy.com/uploads/159563029118331.jpg

ماتضغطوش علي والدة او زوجة او اخت المتوفي انها تلبس ابيض او تخلع الاسود .

ماتروحوش العزاء تقولوا للخادم اللي بيبكي عيب انت خادم كبير .

ماتضغطوش علي اهل المتوفي انهم يخرجوا من الحالة بأي شكل من الاشكال
وتقولولهم ابنكم راح السما .. هما عارفين انه راح السما وفرحان (مش مستنينك تقولهم) .

ماتجبروش الاهل علي حاجة علي هواكم ومزاجككم هتكون تعب ليهم وهيعملوها وهما مش مرتاحين .
. كون ان فيه ناس قدرت تلبس ابيض ده مش معناه ان الكل عنده نفس النعمة والقدرة ..
كون ان ناس قدرت ترنم وتزغرط وتزف المنتقل ده مش معناه ان الكل مجبر يعمل كدة .

خليكم زي يسوع لما شاف اهل لعازر بيبكوا
راح وبكي معاهم قدام قبره ..
رغم انه كان عارف انه هيقومه بعد لحظات .

لكن كان عايز يظهر لنا الجانب الانساني
اللي بيتألم و بيفارق وبيحن وبيئن .

يسوع رغم انه كان لاهوت ،
لكن ده مامنعهوش انه يكون كمان إنسان .

وانت كمان ماتخليش الروحيات ، تمنعك ان تكون انسان