منتدى الفرح المسيحى - القديس البار المصري بامبو النيتري"(374م)*

https://upload.chjoy.com/uploads/159536929086891.jpg

سيرته مليانة فضائل، تلميذ_جاهل تفوق علي مُعَلِّمُه القديس "أنطونيوس_الكبير" نفسه😳

قديسنا مصري جاهل، قبل ما يروح يستقر في صحراء نيتريا"
تتلمذ علي إيد القديس "أنطونيوس الكبير😍" وكان بيتعلم و هو راهب،
و بعد كدة إبتدا يتتلمذ على ايديه قديسين كثير👐، منهم: القديسان بيشوي_الكبير
و يوحنا_القصير"، و كان القديس "#مكاريوس_الكبير" بييجي مخصوص من الإسقيط (برية شيهيت)
لنيتريا علشان يزوره ويتعلِم مِنُه😇

⬅️ قال عنه "سُقراط_المؤرخ": ان واحد من الأخوة تعهد بأنهُ هيِعَلِمُه المزامير و يحفظهاله عن ظهر قلب👍، فبدأ بالمزمور 38 اللي بِدايتُه: "أنا قُلت في نفسي سأتيقظ في طرقي، لكي لا أخطأ بلساني🙏"،
فلمَّا سمع القديس القول دا👂، قال للأخ دا📢:
"قبل ما تعلمني حاجة تاني، سيبني أعتزل شوية كدة لحد ما أقدر أنَفِذ القول دا💪"،
فبعد فترة كبيرة راح الأخ يسألُه: "ليه ماجيتش تتعلم حاجة تانية🤔؟❗"، فجاوبُ القديس
و قال لُه: "#مش_هتعلم حاجة تاني إلا بعد ما أنفِذ القول اللي سِمعتُه👌"
… ⛔ أصل هو كان واخد الموضوع مش معرفة و حفظ، الموضوع تنفيذ💪🏼

⬅️ قديسنا كان قليل الكلام🤐، وماكانش #بيفتي و خلاص;
دا لو حد طلب مِنُه منفعة روحية أو تفسير مقطع كتابي📖،
كان مش بيرُد في ساعِتها، و يصلي صابراً طالِباً من اللَّه أن يُلهِمُه القول😇،
علشان كدة كان كلامُه مشبعاً بالمعني حتى أمكن البعض القول📢:

"إنه صاحب #موهبة_إلهية على تفسير الكتاب المقدس فائقة حتى على القديس أنطونيوس الكبير نفسه😃".

⬅️ وفي يوم راح لإسكندرية، فلاحظ #مُمثلة لفتت أنظار عابري السبيل،
فشرع يبكي😭، فلما سألوه ما سبب ذلك قال📢:

"أمران حركاني💔; #أولهما، خسران هذه المرأة😢…
و ثانيهما، أني لست مُهتَماً بإرضاء اللَّه بِمقدار ما هذه المرأة مُهتمة بإرضاء الرجال😢".

⬅️ و في مرة جاتله القديسة "#ميلاني_الكُبري"
و هو بيضفر خوص و حطتله في الطبق "300 رطل ذهب💰"،
فقال لها في هدوء📢: "اللَّه يجازيكي خير، و يعوض عليكي"،
و قال لتلميذه يوزعهم علي الأخوة و الفُقراء في ليبيا_و_الجُزر
، مش في مصر علشان هُم أشد قحلاً و فقراً…
أما القديسة "#ميلاني" كانت محتاجة كلمات منه،
فشاورتله علي اللي في الطبق، ان دا مال كثير
و كأن القديس مايعرفش قيمة اللي هي اديتهوله. فكان رده عليها📢:

"يا بنتي! انتي شايفة اني محتاجة اعرف قيمته؟❗،
مش اللَّه الذي يزن الجبال هو اللي يعرف قيمتها أكثر منا؟❗،
فإن كنتي قدمتيه_ليَّ أنا الخاطئ الحقير ساعتها كان ينفع تعرفيني بقيمته،
أما إن كُنتي_قدمتيه_للَّه الذي لم يحتقز صدقة الأرملة الفقيرة، فأرجوكي ان تصمتي🤫".

⬅️ في مرة زاره اثنين متوحدين، علشان يسألوه عن طريق_خلاصهم;
واحد سأل هل: "بالنُسك و الصوم مرة كُل يومين"
، أما التاني سأل: "اذا كان يشتغل و يكسب قطعتين فضة يوميا،
و يشتري بالقليل قوت يومه، و يوزع الباقي علي الفُقراء"، فقال لهُم قديسنا📢:
"اللي هتعملوه، بِكُل تأكيد هو كويس جداً،
ولكن احفظا فضيلة (المحبة_الفائقة)،
فهي أهم الفضائل. إذ ذاك تتأكدان من خلاصكما"
. مش مُهم هتعمل إيه المُهم اللي هتعمله يكون نتيجة "المحبة الفائقة الباذِلة"💞

القديس البار المصري بامبو_النيتري"(374م)*،
بَركتُه فَلتَكُن معنا. آمين🙏

(أيقونة القديس "بامبو النيتري" مع القديس "أمون" مؤسس برية نتيرا بوادي النطرون)