زوّادة اليوم: كونوا حكماء كالحيّات و ودعاء كالحملان ...

بيخبرو عن صبيّة بتشتغل مندوبة مبيعات. راحت عا شركة بدّا تقبض فاتورة. دقّت السكريتيرة للمدير حتّى تقلّو انّو الصبيّة وصلت و كان في كتير مندوبين غيرها ناطرين...قالتلو السكريتيرة ما رح تضيع دغري بتعرفها هيّي اللي لابسة كمامة!!
مش مسموح وقت يكون خطر مرض كورونا بعدو هلقد قوي و هلقد الإنتشار سريع و الناس ما عم تعرف كيف عم تنعدي تكون الحياة هلقد طبيعيّة و يكون اللي عم ينتبه هوّي الغلط و اللي ما بيهمّو الموضوع هوّي الصح! مزبوط التسليم لإرادة ربنا هيّي اساس حياتنا المسيحيّة و نحنا اللي كل ما صلّينا منقول لتكن مشيئتك بس كمان ربنا عطانا عقل نفكّر و المنطق و العلم حتّى نستعملن! هوّي اللي قلنا كونوا حكماء كالحيّات و ودعاء كالحملان...انتبهو عا حالكن، صحّة اهلكن و اللي حولكن من مسؤوليّتكن...الله معكن