منتدى الفرح المسيحى - المدينة الفاضلة

https://upload.chjoy.com/uploads/159492864505881.jpg

زمان كان في فيلسوف عظيم
سرح بخياله شوية وإتمنى يعيش في مدينة جميلة، 🤔
مفيهاش حد شرير.. وكل الناس فيها بتساعد بعض 😍
ومحدش بيضايق التاني أو يظلمه أو يعمله أي حاجة شريرة.
وتخيل قوانين ومبادىء عادلة بتحكم المدينة دي
وحكى عن أحلامه دي في كتاب ( الجمهورية )
وسماها ( المدينة الفاضلة ) .. 🎪
لكن أقولك على حاجة ومتزعلش؟ ..
لحد النهاردة الناس بيحاولوا يحققوا لأفلاطون حلمه
بعد ما فشل هو شخصيا إنه يصنع المدينة الفاضلة دي..
لكن برضو معرفوش .. وغالبا مش هيحصل للأسف
ببساطة لأننا عايشين في عالم ساقط دخلته الخطية
وسببت فساد وشر.. وطبعا النتيجة الطبيعية لكده
إننا اتعرضنا للضغط وبقي واقع وجزء من الحياة
وغالباً محتاجين نتعامل معاه.. وبلاش نعيش
على أمل حلم مش هيتحقق هنا على الأرض ! 🙈