منتدى الفرح المسيحى - خدمة محبوبة وغاليه علي قلب ربنا

https://upload.chjoy.com/uploads/159472236082281.jpg

فيه خدمة محبوبة وغاليه علي قلب ربنا
وهي خدمة_النفوس_التعبانة اللي جواها تعب ومرار 💔
الخدمة دي مش محتاجة غير قلب مليان حب
قلب قادر انه يحس بوجع غيره ... قادر يخرج برة ذاته ..
. وملهاش هدف غير راحة النفوس التعبانة لا فيها مجد وذات ولا فيها حب سلطة،
والخدمة دي مش محتاجة مناصب في كنايس ولا في اجتماعات ...
ممكن تبقي بتخدم شخص في عيلتك ..
. او في شغلك او حتي جارك او حد ربنا يحطه في طريقك، والشخص دا مش محتاج وعظ ... هو محتاج يشعر انه فيه حد حاسس بيه ❤️ موجوع لوجعه حد قادر يسمع انات قلبه ، ومش مطلوب منك تحل مشاكله .. مطلوب منك قلب رقيق كله محبه وحنان، محتاج منك ايد مرفوعة بالصلاه من اجله
خدمة النفوس هي الخدمة المحبوبه امام الله لانها بتعلن ان قلب هذا الخادم عمران بمحبة ربنا، والخدمة دي بركتها كبيرة..جرب وانت هتعرف بنفسك لان الكتاب بيقول
الراوي هو ايضا مروي
ومن له اذنان للسمع فليسمع