منتدى الفرح المسيحى - ياريتنا ذي المحار البحري

https://upload.chjoy.com/uploads/159440413539581.jpg

حاجةو جميلة جدا ممكن نتعلمها من المحار .

انه لما بيدخل جوة جسمه رمل من البحر بالغلط ..
بيحس الكائن ده بحبات الرملة وبيشعر انها حاجة غريبة عن مكونات جسمه .. وعن غذائه ..
فيبتدي يفرز من جسمه مواد كلسية .. بتحوط حبة الرمل دي علشان متضرش جسمه ..

المادة دي بقى اللي فرزها بتحوط حوالين الرملة
وبتتحول بعدها لحبات لؤلؤ اللي بنصنع منه الحلي وطبعا الصيادين بيصطادوا محار البحر
علشان يستفادوا باللولؤ اللي جوة جسمه ..

ولما المحار يكون جواه حبات لولؤ كتيرة الصياد بيعجب به ..
بس في نفس الوقت ده يوصلنا ان المحار ده تعب واتعرض لحبات رمل كتير
فافرز كمية كبيرة من المواد الكلسية علشان يحول الرمل للؤلؤ وميتأذيش بسبب الرمل ..

ياريتا ذي محار البحر .. لما نتعرض لضيقات او عدو الخير يعرض علينا خطايا وافكار غلط ..
نبتدي نذرف الدموع نجاهد ونصلي علشان نحاصر الافكار الغلط والضيقات دي
قبل ما تدخل جوانا وتأذينا ذي ما محار البحر بيحاصر الرملة بافرازته قبل ما تسرح جوة جسمه ..

وساعتها ربنا لما يشوف جهادنا وامانتنا في حروبنا الروحية واحتمالنا ..
بيعجب بينا وبيحول جهادنا للألئ وجواهر بتزين اكليلنا ..

قول جميل قاله القس الارثوذكسي اناتولي الروسي لاحدى الراهبات قاللها :

" حقا اني اشفق عليك بسبب الآمك .لكنى لا احزن روحيا لعلمي الاكيد
بان هذه الاتعاب هي بمثابة كنز ثمين مذخر لك في الابدية ..."

ربنا خلق كل الكائنات اللي حوالينا مش بس علشان تكون في خدمة الانسان .
. لأ كمان علشان نتعلم منها ..