![]() |
تعرف الحقيقة في المطلع
https://upload.chjoy.com/uploads/159411452187151.jpg عادي لما العربية تتحرك في المنزَل ، مع الجاذبية .. لكن في المطلع، تقدر تشوفها عفية و سليمة و لا لأ.. المنَزل هنا يعني الظروف الطبيعية ، و المطلع يعني الصعوبات و الاختلافات و المشاكل و في المطلع حقيقة الإنسان بتنكشف .. شوفه لما حد يختلف معاه مش يتفق مع رأيه. : شوفه بيتعصب و يتغضب و يهاجم، و لا يقبل و يتفهم و يتفاهم و يقدر و يفكر ؟؟ شوفه لما حد يهينه : يشتم و يغلط و يلسن و يتلسن و يشّهر و يحقّر ، و لا ذوق و لطيف و متسامح و يلتمس الأعذار و ينقي الفاظه و كلماته ؟؟ شوف معاملته مع اعداؤه : كره و انتقام و عداوة متبادلة و الدعاء عليهم ، و لا يقابل الإساءة بالإحسان، و يطفي نار الشر بالحب و التسامح و حسن الرد و الدعاء لهم بالخير و الهداية ؟؟ شوفه و هو بيتكلم علي الناس : يجيب عيوبهم و يصطاد غلطاتهم، و لا يفتكر لهم الخير، و ما يطلعش من بقه العيبة علي حد .. شوفه بيعامل شريك حياته وقت الاختلاف ازاي : تطاول و إهانة و لا محبة و احتواء و تفاهم و اعتذار ؟؟ شوفه وقت الحزن و التجربة : تذمر و شكوي ، و لا رضي و شكر و قبول و صلاة ؟؟ ياما "المنَزل" داري عيوب ، و ياما "المطلع" كشفها و فضحها .. |
رد: تعرف الحقيقة في المطلع
مشاركة جميلة جدا ربنا يبارك حياتك |
رد: تعرف الحقيقة في المطلع
ميرسى على مرورك الغالى :) |
رد: تعرف الحقيقة في المطلع
ياما "المنَزل" داري عيوب ، و ياما "المطلع" كشفها و فضحها ..
موضوع متميز ربنا يفرحك |
رد: تعرف الحقيقة في المطلع
ميرسى على مرورك الغالى :) |
الساعة الآن 07:40 AM |
Powered by vBulletin® Copyright ©2000 - 2025