منتدى الفرح المسيحى - مرتاح ولا مبسوط

https://upload.chjoy.com/uploads/159401407462681.jpg

في ثقافتنا الشرقية عندنا مصطلحات معينة
بنستخدمها لما نعوز نوصف حد إنه معاه فلوس كتير
زي.. ده مبسوط & مرتاح & مريَش.. الخ
رغم إننا عارفين كويس إن مش شرط خالص
يكون مبسوط علشان معاه فلوس..
بالعكس ده ممكن يكون مش فرحان ولا مبسوط ولا حاجة
وبيحاول يبسط نفسه بإنه يصرف فلوس اكتر يمكن ينبسط،
ولا حتى الفلوس بتكون سبب راحة
بالعكس ممكن تكون سبب متاعب للشخص بسبب فلوسه الكتير
خصوصا لو في ناس قريبين حواليه هدفهم ياخدوا فلوسه
أو يتخانقوا عليها أو حتى يفَضلوا فلوسه عنه هو شخصيا!