منتدى الفرح المسيحى - لما ربنا يوريك الحل

https://upload.chjoy.com/uploads/15935064839661.jpg

قريت قصة موسي و المياه المُرة ؟؟

فصرخ إلى الرب. فأراه الرب شجرة فطرحها في الماء فصار الماء عذبا (خروج ١٥: ٢٥) ..

كانت الشجرة موجودة وسط شجر كتير ،
بس لا كان شايفها و لا كان عارف ان الحل فيها ..

و دي طريقة ربنا .. لما تقصده وقت زنقتك
يجيب لك الحل قدامك من حيث لا تدري ..

خناقة و ما لهاش حل ، و بعد التلاسن و الغضب و الحماقة ،
ربنا يلهمك بكلام ود و احترام كله حلاوة ،
تقتل الشر و تطفي نار الخلاف ..
و تقول لنفسك : ما الكلام الحلو اهو حل الموضوع
و كان الحل بين ايدي بس انا اللي ما كنتش عارف قيمته ..

مشكلة مع حد مضايقك ، و مش عارفلها مخرج ،
و الباب مغلق .. يقوم ربنا يوريك باب تاني
كان قدام عينيك و مش داري بيه ، و يغير اتجاهك ،
تلاقي سكة اتفتحت ما فيش اجمل منها ..

اللي ناقصنا "صلاة الصراخ " زي موسي ،
و ايمان حقيقي أن الله "ح يوريني الحل" ..

و ح تلاقي ربنا رمي لك الفكرة في عقلك و معاها للمخرج و المنفذ..