منتدى الفرح المسيحى - طموح ولا طمع

https://upload.chjoy.com/uploads/159344005067131.jpg

في بند الماديات كتير بنتوه
ما بين ( الطموح ) والرغبة في تحسين أوضاعنا
وتطوير ذواتنا وحالتنا المادية
وبين ( الطَمع ) اللي بيخلي شغلنا الشاغل
إننا نحصل على أكبر قدر من الممتلكات المادية والعينية !،
والحقيقة التفريق بينهم من المهام الصعبة عمليا
وبتحتاج فحص لدوافعنا بإستمرار وقياسها على المقاييس دي:-
1- هل الحاجة اللي بسعى ليها دي فيها ظُلم حد،
او سلب حاجة مش من حقي أياً كانت!؟

2- هل طموحي ده بيتطلب حاجات أكبر من إمكانياتي؟
شغل لساعات طويلة مثلا او إرهاق وإستنزاف مادي
لمواردي في سبيل تحقيقه؟

3- هل طموحي ده حاجة مش منطقية أو خيالية
أو بعيدة خالص عن إمكانياتي؟
يعنى أبقى ساكن في شقة صغيرة.. وبدل ما يبقى طموحي
إني أسكن في شقة أكبر شوية أبقى عايز أسكن في قصر
على النيل مثلا !..
هنا ده مش مجرد طموح .. لكن ده غالبا..قول انت!