زوّادة اليوم: في بالكون قوة أكبر منك

من اكتر الصراعات اللي اخدت اهتمام عبر التاريخ و بعدنا لليوم منتناقش فيها هيّي العلاقة بين الدين و الإيمان بالله من جهة و بين العلم و المنطق من جهة تانية!
كتار بيقولو انّو هالدني بوجود العلم مش بحاجة للصلا و للرب و انّو العلم عندو حلول لكل شي بس اجا القدّيس امبروسيوس و قال شي كتير مهم: "كيف يمكن أن يكون حكيمًا من لا يتطلّع إلى صانعه؟"
بس تكون ذكي و متعلّم و عندك مستوى معيّن من الحكمة اكيد لازم تعرف انّو كل شغلة بهالدني الها اساس و مصدر حتّى انت يا انسان!
بس تعترف انّو في بالكون قوّة اكبر منّك بتكون بلّشت تمشي عالدرب الصحّ و تعرف انّو العلم ما بيلغي الدين و لا العكس...الله معكن