منتدى الفرح المسيحى - المناكف حاله تالف

https://upload.chjoy.com/uploads/159286120632971.jpg

مناكف ، مخالف، مخانق ، مشاغب..

منين ما يتكلم يعارض و و يعترض .. كل كلامه مر و نار و مرار ..
عاوز يبان و بس ، عاوز يسيطر و يحير و يعكنن و يلّسن ..
جواه مش ابيض، متخانق مع نفسه قبل الناس ،
دايما رأيه صح و كلامه صح و قراره صح ..

يقعد يناكف لغاية ما تزهق و توافقه أو تغضب و تفارقه.
. انما يريحك ابدا ، و يجيب منين سلام اذا كان ما عندوش؟؟

يجي فين ده من ابن صاحب القلب الجميل و الوجه البشوش و النية الصافية، اللي كلامه شهد و لسانه بلسم..

اللي حتي لما يختلف معاك عمره ما يكسر و لا يتجبر
، لكن يختلف باحترام و أدب، و من كتر ذوقه،
يخليك تحب رأيه و تحترم وجهة نظره ..

المناكف و المخالف ، دايما حاله تالف و ستين تالف !!