منتدى الفرح المسيحى - بيحبنا وبيقبلنا

https://upload.chjoy.com/uploads/159280518148711.jpg

الكتاب المقدس بيقول عن موسى إنه كان حليمًا جدًا
أكثر من جميع الناس، وبالرغم من كده قتل❗
وبيقول عن داود إن كان قلبه حسب قلب الله،
وبالرغم من ده اشتهى وزنى وتسبب في قتل شخص بريء❗
وبطرس الصياد الشجاع اللي مشي على الماية
وكسب في عظة واحدة ثلاثة آلاف شخص للمسيح،
أنكر وحلف ولعن❗
الله شايف قلوبنا، وشايف صراعنا مع طبيعتنا البشرية،
شايف جوانا الخير والضعف، وبالرغم من كل ده بيحبنا وبيقبلنا❤️
عارفين ليه؟ مش لأي سبب تاني غير (النعمة)
يا ترى بنتعامل إزاي مع النعمة دي
، هل بنقدّرها ونجاهد ضد الخطية علشان نفرّح قلبه؟
ولا بنستبيح الشر، والنعمة فقدت معناها في حياتنا ؟
محبة_وقبول