منتدى الفرح المسيحى - هو شايفك ابنه الغالي

https://upload.chjoy.com/uploads/159280466761521.jpg

في علاقتك مع ربنا ماتحطش طريقة معينة
عشان تحاول توصل بيها ليه..

دوّر جواك على الحاجة اللي تقدر توصل بيها لربنا
(آية - كلمة صغيرة من قلبك - عتاب - ترنيمة -
كلمات كاتبها لربنا ونفسك تقولهاله - دموع.
دموع😏؟؟
ايوه دموع، أرميا كان بيروح لربنا بدموعه وصراخه
انت تقدر تروحله حتى بصمتك 😔
اجمل حاجة ان تكون علاقتك بربنا علاقة الابن وباباه
(علاقة مريحة) على طبيعتك من غير قيود واسوار
يعني تتكلم معاه براحتك من غير كسوف ولا خوف
هو عايزك كدا بعشوائيتك 😊
زي مانت بكلامك اللي مش مترتب ولا محفوظ،
روحله باللي في قلبك
ربنا طيب اوي
يعني حتى في الوقت اللي انت حاسس نفسك
انك وحش وماتستاهلش هو شايفك ابنه الغالي
الحب_الغير_مشروط
الحب_المطلق ❤️