منتدى الفرح المسيحى - محدش يقدر يوصل لحكمة ربنا

https://upload.chjoy.com/uploads/159272191214811.jpg

حكمة ربنا !
دايمآ بنسأل في المصائب
ايه حكمة ربنا !!
حد صغير يموت مثلا
طفل يتيتم أب و أم ..
حد يصاب بمرض صعب ..
و السؤال دائمآ ايه هي حكمة ربنا ..؟

الاجابة ان لو قدرنا نفهم حكمة ربنا هنكون ربنا ..
يعني منفهمش ؟
القصة ان في امور مصيرية ..
يعني الانسان مخير و لا مصير ؟
الحقيقة انك مش مخير بنسبة ١٠٠%
مثال : هل تقدر تختار طريقة موتك ؟
( لو طبعا مش هتموت منتحر احنا بنتكلم في الطبيعي ) ..
هل تقدر تحدد سن موتك ؟
هل تقدر تحدد امتي هيجيلك مرض معين لو فرضآ انت محافظ كويس علي صحتك !! ساعات نقول فلان زي الفل و صحته حلوة .
. تعب من ايه ؟

هل تقدر تختار انك تحافظ علي والدك و والدتك من الموت ؟
اذن في قرارات تخص الله فقط
حكمة الله .. اللي لو عرفتها يبقي كده هبقي الله !! و حاشا طبعآ..
لكن حتي القرارات المصيرية اللي ربنا وضعها هي تخص منطقته و هي الحياة الابدية ..
ربنا ميفرقش معاه تشتغل دكتور او محاسب .. انت مخير
تتجوز او لا .. انت مخير
تسافر او لا .. انت مخير

لكن نقول ( لا يشاء موت الخاطئ مثل ما يرجع و يحيا )
هنا قرار مصيري بس ربنا عايز يديره بطريقة ترجع لصالحك أنت ..
فالموت و المرض و قرارات أخري مصيرية بنسأل ايه حكمة ربنا !
فيقولك دي قراراتي انا تخصني و بديرها بطريقة احاول أوصلك ليا بيها.
اة مصيرية لكن مش ضدك ..

محدش يقدر يوصل لحكمة ربنا ..