منتدى الفرح المسيحى - لما ربنا يجيب لك حقك

https://upload.chjoy.com/uploads/159267485291141.jpg

ممكن تتكلم و تدافع عن نفسك و تجيب حقك بايدك ..

و ممكن ترد علي الإساءة باكتر منها ، و ترد علي الشتيمة بستايم ..
و ممكن تعاتب و تحاسب و تعاقب، و تخش في معارك و تكسبها..

كل ده من حقك ..

لكن جرب تسكت و تسيب ربنا هو اللي يجيببه لك ..
جرب ما تردش و ما تهاجمش و ما تتخانقش و اتفرج..

اتفرج علي ربنا و هو بيرد لك مقامك و يجيب لك حقك ..
اتفرج علي عدل الله و هو بيسيب اعداءك علي نفسهم
و يقلبهم علي بعض ..

اتفرج علي داود لما سكت أمام شاول و ما انتقمش لنفسه
، و رفض يقتله ، و خللي شاول يعترف قدامه انه ابر منه
(١ صموئيل ٢٤) ..

و لما صمم تاني يحاول يقتله ، عدل الله سابه يخش معركة
و قبل ما الأعداء يهزموه قتل نفسه بسيفه (١ صموئيل ٣١) ..

جرب بس تسكت و تسيب فم الله يدافع عنك ،
و عدالة الله تجيبلك لك حقك، و تخرس السنة مقاوميك
، و تبطل شرهم ، و توقعهم في شر اعمالهم
و تدوقهم مرار اللي عملوه فيك ..

سكوتك هو الباب الذهبي لدخول ملائكة الله حاملين صك براءتك
و حكم هزيمة كارهيك..

خافوا من ولاد الله لما يسكتوا و يسلموا حقوقهم لعدالة الله الصارمة ..