منتدى الفرح المسيحى - البابا وامتحان العربي

البابا وامتحان العربي❤️❤️❤️❤️

https://upload.chjoy.com/uploads/159256081785131.jpg

كان أول امتحان طبعا وما ادراك بامتحان العربي من نحو وادب وخصوصا الادب ليله الامتحان أنا كنت حاسس اني مش فاكر اي مدرسه من مدارس الأدب حرفيا ومجاليش نوم غير الفجر يدوب نمت تلت أو أربع ساعات والتوتر كان عالي جدا دخلت الامتحان وصليت وقولت يارب ايدك قبل ايدي الصغب يبقي سهل وبدا الامتحان الاسئله كانت حلوه جدا وسهله ولقيتني فاكر الاجابات بتاعت الادب الحمدلله ولما روحت وقولت لبابا وماما اللي كانوا طبعا علي أعصابهم بابا قالي انت عارف مين كان معاك في الامتحان النهارده قولتله قالي البابا كيرلس و مارمينا قولتله ازاي قالي اول ما بدا الامتحان لقيت البابا كيرلس بالشال بتاعه والعصايا ووراه مارمينا داخلين مكان زي لجنه الامتحان ووصفلي لجنتي والمكان اللي انا كنت قاعد فيه وهو مراحش معايا الامتحانات خالص وقالي اول ما بدا الامتحان البابا كيرلس و مارمينا كانوا بيطوفوا اللجنه ومارمينا بمشيه الجيش بتاعته اللي زي ما كانت في فيلم ابونا فلتاؤس لحد ما الامتحان بتاعك خلص
بركه صلواته وشفاعتهم تكون معانا الي ابد الدهر امين ❤️❤️