منتدى الفرح المسيحى - وقت ال surviving وقت التعايش

https://upload.chjoy.com/uploads/159245765743211.jpg

الوقت ده مش وقت انجازات ولا إخفاقات.
ده وقت ال surviving، وقت التعايش.

محدش يزعل إنه مش عارف يشتغل أو ينتج أو يتواصل.
دى محنة كبيرة ماتتوقعش من نفسك فيها أى حاجة.
اللى قادر تعمله اعمله واللى مش قادر طبيعى وحقك.
عارف تشد على ايد حد م اللى حواليك النهاردة اعمل كده من غير ماتترد
مش قادر لايكلف الله نفسًا الا وسعها حافظ بس على سلامك وسلامتك.

اللى بيحصل كبير؟ أيوة طبعا.
طبيعى تتوتر؟ أيوا طبعا
حد عنده حل سحرى؟ لاااا وماقدمكش غير نفسك بعد اللى خلقها.
دول اللى ترجعلهم دلوقتى، تطلب منهم القوة وتكتشف فيهم حاجات مكنتش مركز معاها.
عندك صاحب جدع قادر تميل عليه ولسه قادر يسندك أحمد ربنا واشكره.
صاحبك واقع زيك معلشووو بعض واتونسو ببعض تحت ف القاع لحد ماتتطلعو.

لكن خليك متأكد ان كل حاجة ليها نهاية وبعد الضيق بيجي الفرج.
وماقدامناش الا الطمع فى رحمته.