منتدى الفرح المسيحى - جربت تتعشى على أنغام البيانو

جربت تتعشى على أنغام البيانو

جربت تتعشى
على أنغام البيانو
وضوء الشموع..
جربت تتكلم مع قلبك
...ولو الكلام مش عجبك
تغير الموضوع..
جربت تسافر لوحدك
وترجع لوحدك
جربت تبكى
من غير دموع..
جربت تأجل أفراحك
وسألت نفسك
ليه بنعمل للميت أربعين
وللمولود سبوع..؟
جربت تجرى ورا الأتوبيس
أو تجرى م الأتوبيس
جربت تقف ف طابور
ولما تيجى تحلم
ألف حاجة تقولك ممنوع..
جربت الإحساس..
إنه لــــــيل نهار عــــــندك وسـواس..
إن قميصك مكرمش
وفيه زرار ملخلخ
والبنطلون مقطوع
جربت تقول لحد بحبك
عشان بس تكسب ثواب
جربت تاكل من غير نفس
حتى لو كان كباب
وإنت ميت م الجوع..
عارف..
حلوة أوى ضحكتك..
لكنها بتكشفك..
وتقول إنك موجــــــــوع ،