زوّادة اليوم: المسؤولين والمناصب

بيخبرو انّو ببلد بعيد كان في مسؤول مهمّ جايي يزور ضيعة. تجمّعو الكل لإستقبالو من فعّاليات و اشخاص عندن مراكز مهمّة و من السكان. بعد ما وصل بشوَي صار وقت الغدا. واحد من الناس اللي عم يستقبلوه جايي متل ما هوّي من شغلو لابس مريول مكتوب عليه اسم المحل تبعو: فلافل فؤاد.
قلّو المسؤول انّو حابب يتغدّى عندو فلافل! ما صدّق هالزلمي و فرح كتير. و صارو كل الحاضرين يتطلّعو ببعضن و يتوشوَشو انّو كيف هيك عمل المسؤول و اغنياء الضيعة دابحين خروف تا يبيضو وجّن معو و يكرموه و يِبقو يطلبو منّو اشيا! هيدا مثال المسؤول اللي بيستاهل يكون و يتسمّى مسؤول! التواضع و القرب من الناس و الوقفة حد الفقير و المواطن العادي هنّي اللي بيعملو المسؤولين مش المناصب! منصلّي للمسؤول الأوّل اللي قد ما حبنا صار انسان متلنا و مات كرمالنا حتّى ينوّر مسؤوليننا و الله معكن