منتدى الفرح المسيحى - الامتنان طريق السعادة

https://upload.chjoy.com/uploads/15920739101511.jpg

الوقت الأخير ده بسبب أزمة فيروس كورونا
إتعلمنا كويس نِقدر الحاجات اللي كُنا معتبرينها طبيعية
ومش بيجي على بالنا نشكر الله بسببها.. أو نمتن بسببها
زي ( إننا نخرج ونرجع لبيتنا بسلام من غير ما نتصاب بالفيروس،
أو حتى إن يكون عندنا أكل كويس.. وأدوية لو إحتاجنا
ووسائل تساعدنا نبقى في صحة كويسة )،
لكن الحقيقة بقى.. بعيداً عن الأزمات اللي بتجبرنا
نشكر على حاجة مكناش مقدرين قيمتها،
فالإمتنان فعلاً.. هو الطريق للسعادة إنك انت بنفسك
تقرر لوحدك تدور على الحاجات الحلوة وتمدحها
أو تفتش على معاني الجًمال حواليك (فى الطبيعة، فى الناس)
وتستمتع بيه وتشكر عليه.. ده هيزرع فضيلة الإمتنان في حياتك
اللي بدورها هتساعدك تكون سعيد وفرحان وممتن لنعم الله في حياتك
بغض النظر عن الظروف وعن اللي حاصل حواليك!