منتدى الفرح المسيحى - يسوع شايف لسة فيها أمل

https://upload.chjoy.com/uploads/159171254161461.jpg

"خيبة أمل"
شعور مؤلم وصعب وقادر انه يدمرنا،
لما بطلنا نعمل حاجات كتير كنا بنعملها بنشوف فيها قيمتنا
أو إنجازاتنا،
ودلوقتي دا مش موجود فا ممكن نحس بخيبة أمل
ونتثقل بفكرة ان مفيش أمل فينا وشعور بالعجز كبير
وقلة الحيلة في الظروف دي.
بس مكتوب ان الفتيلة اللي ولا منورة ولا مولعة وبتطلع بس دُخان مالهوش لزمة،
يسوع شايف لسة فيها أمل..
حتى لو حاسس انك اتطفيت
وماعادش فيه أمل يسوع لسة شايفك
تقدر تعمل حاجات كتير وتقدر تنور تاني.
ماتطفيش أو تقصف نفسك بنفسك، وماتخجلش من نفسك،
وافتكر ان الله قابلك في كل الأحوال
وقادر يتعامل مع خيبة أملنا وعجزنا ويطلع منهم نور وأمل
وحياة حتى واحنا جايبين آخرنا.

"قَصَبَةً مَرْضُوضَةً لاَ يَقْصِفُ، وَفَتِيلَةً مُدَخِّنَةً لاَ يُطْفِئُ،
حَتَّى يُخْرِجَ الْحَقَّ إِلَى النُّصْرَةِ." (مت 12: 20)