منتدى الفرح المسيحى - الهك يريد قلبك قبل اعمالك

https://upload.chjoy.com/uploads/159156755497771.jpg

قلوب_من_حجر

عارفين لما يكون الاسره عندها ابن عاصي بتحاول بكل الطرق انها ترشده للطريق الصحيح
مره بالشده مره باللين مره تعاقب مره تطبطب
وفي كل المحاولات مفيش تغير .. القلب قاسي من حجر ومش عاوز يلين
وفي نفس الوقت اسرته عمرها ما هتتخلي عنه
لا الاب ولا الام مهو حته منهم
في اخر مرحله بعد ماخلاص هما استعملوا كل الوسائل والاساليب
بيقرروا يسيبوه لنفسه بس قلبهم وعينهم معاه برضو
هو حته منهم ولسه عاوزينه يرجع لحضنهم

اهو ربنا بيتعامل معانا كده بالظبط

ولا طبطبه نافعه ولا تجارب ولا ضيقه ولا اوبئه
وفي كل مره الرب ينجي اولاده من الهلاك لان عين الرب ساهره لاتنام
هما ف الاخر ولاده ولسه عاوزهم هو جه علشانهم ولسه فاتح ليهم حضنه

لكن للاسف القلب بيذداد ظلمه والقسوه غطتها 😔
المحبه راحت والانانيه ذادت
قلوب من حجر من كتر قسوتها عايشه علي اذية غيرها

مش بالاعمال فقط بنقدر نوصل ..... كلنا بنقدر نعمل اعمال حسنه
بس ربنا عاوز القلب الاول حتي من غير اعمال لان من فضلة القلب يتحدث اللسان
ومن القلب يخرج كل عمل صالح

#نقوا_قلوبكم
#الهك_يريد_قلبك_قبل_اعمالك
#قلبأ_نقيا_اخلق_في_يا_الله