منتدى الفرح المسيحى - تتقدر ولا تتناقش

https://upload.chjoy.com/uploads/159136308074751.jpg

واحد من المبادىء المهمة في إدارة مشاعرنا
هي ( إن المشاعر تتقدَر والأفكار تتناقش )..
لكن غالبا المشكلة بتحصل لما بنعمل العكس
أو على أقل تقدير بنناقش المشاعر كمان!..
تخيل كده واحد يجي يقولك أنا حاسس بشوية برد،
وإنت تقوله ليه حاسس إنك بردان؟
وبعدين إقنعنى منطقيا إنك بردان !!
غالبًا إنت اللي هتكون مش منطقي وقتها لو عملت كده!
نفس الفكرة تنطبق على كل المشاعر..
لكن الحقيقة إن المشاعر فعلاً إتوجدت علشان تتقدر
وتتقبل ويُعترف بيها في حد ذاتها كخطوة مبدئية
وبعدين نبدأ نناقش الأفكار اللي سببتها
وأوجدتها ونغيرها إذا إقتضى الأمر!