منتدى الفرح المسيحى - طاقة من الضعفات

https://upload.chjoy.com/uploads/159136274538261.jpg

في بعض الدول المتقدمة
بيستخدموا ( القمامة ) علشان يعيدوا تدويرها ويطلعوا منها
خامات يستخدموها في حاجات مفيدة كتير ..
والحقيقة دي فكرة ذكية جداً..
أولا لأنها بتخلص البلاد دي من الحاجات اللي ملهاش لازمة ،
وفى نفس الوقت بتطلع منها طاقة وحاجة مُفيده!
في آية في الإنجيل بتحكي عن الله سبحانه
وبتقول إنه ( بيعطي المعيى قوة ولعديم القوة بيكثر شدته )
عارفين معناه إيه الكلام ده !؟..
معناه إن الله لأنه قدير.. هو الوحيد اللي يقدر يطلع من عيوبك
وضعفاتك ونقائصك.. خير وطاقات نور لحياتك
وحياة اللي حواليك ويديلك طاقة جديدة.. رغم مشاعر الإحباط
والإنكسار وتقدر ساعتها تقول زي ماقال واحد زمان
في الإنجيل ( فحينما أنا ضعيف ، فحينئذ أنا قوي )!