منتدى الفرح المسيحى

https://upload.chjoy.com/uploads/159136187297311.jpg

قريت الآية الجميلة دي ؟؟
يجعل الرب أعداءك القائمين عليك منهزمين أمامك. في طريق واحدة يخرجون عليك، وفي سبع طرق يهربون أمامك..

يعني ايه ؟

يعني ممكن الأعداء يدبروا لك شر واحد.، لكن ربنا عنده طرق كتير انت ممكن ما تعرفهاش ( ظ§ طرق) يهزمهم لك ، و تشوفهم بعينيك بيهربوا قدامك بلا رجعة ..

واحدة من الطرق انه يوقعهم في شر اعمالهم، فينقلب شرهم عليهم ، و يدوقوا من نفس الكأس و يبعدوا عنك ..

طريقة تانية انه يلهيهم عنك بمشاكل من كل حتة، فيطلعوك من دماغهم..

طريقة تالتة أن عقابه الإلهي يقع عليهم ، بالحساب العادل ، و يبيعتلهم اللي يبعدهم عنك من غير ما تطلب ..

طريقة رابعة انه يغير قلبهم نحوك ، فيحبوك فجأة من غير سبب و بدل ما كانوا بيهاجموك يدافعوا عنك..

طريقة خامسة انه يسيب شرهم يتحول لخيرك ، فيكتشفوا أن المؤامرة اللي كانت ح تأذيك كانت السبب في بركات مضاعفة ..

طريقة سادسة انه يتدخل مباشرة و يعمل لهم بنفسه انه هو الحامي لك ، و يوريهم انك رجل الله المبارك..

طريقة سابعة - لا تطلبها طبعا - أن حياتهم تخلص و شرهم يموت معاهم ..

و علي فكرة ممكن السبع طرق دول كلهم يجوا مع بعض ..

المهم : اوعي تخاف انت ابن الملك و الأسود لا تخاف ..