منتدى الفرح المسيحى - مستني سنده منك

https://upload.chjoy.com/uploads/159059983236741.jpg
أنت وعدتني أنك هاتعوضني، وهاتغيّر الوضع..
وأنا مصدّقك وعارف أن التعويض جاي..
بس الإنتظار مُتعب يارب.. الإنتظار مُميت..
والأفكار مابترحمش، كأنها أشباح جوه عقلي مابتهداش..
وصوت الموت بيرن في ودني طول الوقت
، بس أنت اكيد عارف وشايف الوضع من غير ما احكي..

عشان كدة كل اللي طالبه منك يارب
هو أنك تطيّب خاطري بكلمتين بس
، صالحني عليك من تاني في الوقت ده
.. صبّرني عالوضع لحد مايتغير.
. إسندني لما دماغي تقلب عليا وأيأس من كل حاجة، حتى نفسي..

هي سندة بس تشدّدني لحد ما أوصل "لموضع الراحة
" اللي وعدتني بيه يارب..
سندة بس.. !