منتدى الفرح المسيحى - هي الشتيمة لزقت؟؟

https://upload.chjoy.com/uploads/159058153045951.jpg

هي الشتيمة لزقت؟؟

ايوه لزقت في النفس الحساسة
، و تقعد تلف زي السكينة تاكل القلب ، و تسلخ المشاعر المرهفة ..

وردت ٢٠ مرة في الكتاب ،
و قيل عن الشتام انه "لا يرث ملكوت الله" (١ كورنثس ٦) ..

ليه ؟؟

لان اللي بيشتم بيقتل الناس و يدبحهم بسكينة تلمة
.. مش مجرد كلمة و خلاص ، دي بذرة نار تترمي في العقل و تحرقه..

عاوز تخلي ابنك ينحرف اشتمه، عاوز تدمر واحد هينه ،
عاوز تخلي واحد يكره حياته و ييأس ،
قل منه أو اكتب له ألفاظ احتقار و هو يموت بسببك مرات و مرات..

احذر أن تكون شتام للناس بكلامك أو كتاباتك .
. الشتام قاتل نفوس حتي لو ما كانش عارف حجم جريمته ..

و لو كنت كده ، عليك التزام أنك تصلح اللي عملته في اسرع وقت ، و لسانك اللي كان اسير للشر ، يبقي مخزن للخير ، و الناس اللي اتسببت في جرحها تصالحها و ترضيها و تراضيها ..