منتدى الفرح المسيحى - ارددنا يا رب إليك فنرتد

https://upload.chjoy.com/uploads/159035123037531.jpg

وكترت الصلوات وكتر معاها عدم الاستجابات
بنلوم عليك حكمتك ونهين طوله بالك.
مش بنفهم انك بتعمل الخير وتمنع الوحش عشان تجيب الأجمل.
بنصدق توقعاتنا وننكر عمل ايدك وناقص نقولك انا فاهم وعارف ظروفي واحتياجات اكتر منك.
بنفتكر اننا كبرنا ونضجنا وبنختار نخرج بره دايرتك وطوعك.
بنعتمد على ضعفنا البشري ونقول اتعلمنا ونتناسي قوتك.
سامحنا على مره معرفناش نشوفك فيها.
سامحنا على مره ذاتنا كانت أوضح منك أو متسلله جوانا.
سامحنا على القلب اللي كان بيميل لرغباته.
سامحنا على سوء اختيارنا اللي جابتلنا فشل ونسبناهالك.
سامحنا على جهلنا وعندنا قصداك.
سامحنا عشان مش عارفين نرجع لنقاوة قلوب الأطفال.
سامحنا عشان كبرنا وشخنا ومش عارفين نرجع نبص ليك.
ارددنا يا رب إليك فنرتد. جدد أيامنا كالقديم
مراثي ارميا ٥ : ٢١