منتدى الفرح المسيحى - كبرت ولا لسه

https://upload.chjoy.com/uploads/159032030083151.jpg

بتحس ساعات إنك نفسك تلعب؟
نفسك حد ياخدك من ايدك كده ويفسحك ؟
بتحس إنك عايز تجري ؟ تضحك بصوت عالي ؟
عايز تجيب حاجه حلوة ؟
انت كده تمام.. تعالى متتوترش.
اسمحلي اعرفك ده الطفل الداخلي.. ده موجود جواك.
طفل لطيف بيحاول يعبر عن نفسه وإحتياجاته..
مش حابه ؟؟ بيفضحك ؟ بيطلع مش في وقته ؟؟
بيحسسك بالضعف او التفاهة ؟؟
عارف إيه المشكلة ؟؟ إنك مش بتديله فرصة يطلع
فلما بيطلع بيطلع مش في وقته.. وبعنف
و كانه قاصد يكسفك قدام الناس..
بيحاول يلفت نظرك ونظرهم إنه موجود.
جرب تصاحبه وتديله إحتياجاته.. تشجعه.
وخليه يمارس هواياته وتلقائيته.. يلعب.. يضحك.. يعبر.
ساعتها هو كمان هايبقى جدع معاك.
. عارف امتى يطلع وازاي وقدام مين.
الطفل ده كله مشاعر وإستمتاع بالحياة
لو دفنته مش هايبقالك غير الشيخ أو الناضج..
اه حكيم وقراراته كويسة
لكنه مش بيجيد الحياة.. مش بيستطعمها
تعلم أن تكون طفل في مشاعرك، شاب في حركتك،
شيخ في تفكيرك