|
هحتاج إيه ؟! .. هحتاج لمين؟!
https://upload.chjoy.com/uploads/159030670422261.jpg هحتاج إيه ؟! هحتاج لمين ؟! وأنا متألم .. وحدك تكمل وأنا ضعيف .. أنت تجمل وأنا مكسور .. إيدك تجبر هحتاج إيه ؟! .. هحتاج لمين ؟! وأنا قلقان .. أنت تطمن وأنا وحيد .. أنت تقود وأنا محتاج .. وجودك يعين هحتاج إيه ؟! .. هحتاج لمين ؟! وأنا بعيد .. بتبحث عني وأنا رافضك .. مازالت قابلني وأنا محتار .. بتعرف تسمع وتفهمني هحتاج إيه ؟! .. هحتاج لمين ؟! وأنا محبط .. أنت ليا مؤيد وأنا مهزوم .. إيديك بتسند وأنا مهموم .. قادر تعول هحتاج إيه ؟! .. هحتاج لمين ؟! وأنا قبيح .. عيونك شايفاني كامل وأنا أسير .. بتفك قيدي و معايا تسير وأنا فاقد قيمتي .. بسمع منك مازلت ابني هحتاج إيه ؟! .. هحتاج لمين؟! وسط سكاتي .. بتعرف تفهمني وأنا شايف فشل .. كلامك ساندني وأنا مستنفز .. سلطانك بيرد نفسي هحتاج إيه ؟! .. هحتاج لمين ؟! ده أنت بابا .. وأنت سندي ده أنت صديقي .. اللي دايما قريب مني وأنت حصني وملجأي ودايما في صفي هحتاج إيه ؟! .. هحتاج لمين ؟! |
| الساعة الآن 06:58 AM |
Powered by vBulletin® Copyright ©2000 - 2025