منتدى الفرح المسيحى

منتدى الفرح المسيحى (https://www.chjoy.com/vb/index.php)
-   كنوز البابا شنودة الثالث (https://www.chjoy.com/vb/forumdisplay.php?f=24)
-   -   صــــلاة لقداسة ابينا الـبـابـا شــــنــودة الـثـالــث ذهـــبـي الـفــم (https://www.chjoy.com/vb/showthread.php?t=686007)

walaa farouk 23 - 05 - 2020 05:29 PM

صــــلاة لقداسة ابينا الـبـابـا شــــنــودة الـثـالــث ذهـــبـي الـفــم
 
https://upload.chjoy.com/uploads/1521395206671.jpg


يارب أديني المحبة اللي أقعد بيها معاك
. يارب متحرمنيش من الكلمة الكويسة معاك
. أفتح يارب قلبي علشان يصلي .
إديني روحك القدوس علشان أصلي .
أنا يارب معرفش أصلي . إديني أنت ،
علمني أنت ، زي مالتلاميذ قالولك علمنا أن نصلي .
خلي روحك القدوس يتكلم علي فمي .
خلي روحك يحرك قلبي . خلي نعمتك تشعلني .
إديني حرارة من عندك يارب، إديني رغبة
، إدي ني حب ، إديني كلام ، إديني سلام
، إديتي قعدة حلوة معاك ، إديني خلوة معاك ،
يارب دخلني في تجربة و أختبار الصلاة ،
وإزاي امارسها روحيا ، يارب هرفع قلبي باستمرار ،يارب إديني أن أصلي من أجل كل الناس ومن أجل مشاكلهم ومن أجل أمراضهم ومن أجل ضعفاتهم ، إديني يارب أن أصلي من أجل المسئين إليا ، وأصلي من أجل الأشخاص اللي بدينهم في قلبي وفكري ولساني واللي بتكلم عليهم بالشر وبجيب سيرتهم دايما ، يارب أعطيني قوة اخدهم في موضع صلاتي واقولك إحفظ هؤلاء الاشخاص وخلصهم وأعطيني نعمة في أعينهم ، يارب ماتخليش قلبي يتغير من ناحيتهم ، يارب ماتخليش الحقد ولا العداوة ولا الخصومة في قلبي من ناحيتهم ، يارب صفي قلبي وقلبهم ، يارب حنن قلبي عليهم وحنن قلبهم عليا، يارب الكتاب بيقول : صلاة الأشرار مكرهه للرب ، أنا عايز أصلي إليك من قلب نقي من قلب تائب ، علشان تبقي صلواتي مقبوله امامك ، يا رب أنا بأعترف أمامك إن عندي العيب ده ومعتمد عليك تشيله مني لأني مش قادر أشيله بنفسي، يارب انا معتمد عليك وبيك وعايزك تخلصني منه ، يارب عايزك تخلصني من الخطية الفلانية دي ، مش عايز أسيبك في الصلاة دي من غير لما أخد منك معونة عليها، انا يارب همسك فيك ولا اتركك لغاية ماتخلصني من الخطية دي ، يارب ارحم ضعفي ارحم عجزي ، انا مش قادر إديني قوة من عندك يا إلهي وربي مليش غيرك يحن عليا


الساعة الآن 11:26 AM

Powered by vBulletin® Copyright ©2000 - 2025