منتدى الفرح المسيحى - اتعلم تقول كلام حلو لابوك السماوي

https://upload.chjoy.com/uploads/158983770009331.jpg

مش قادر أوصف حالتي لما ابني جه قاللي: بحبك يا بابا
إحساس رهيب داخلي مليان نوع من الفرحة الغريبة اللي مابتعرفش توصفها..😊😍
تحس انك خدت شحنة تمشيك سنة لقدام وانت مابيهمكش التحديات والظروف..

ياه.. كل ده علشان كلمة بحبك يا بابا...
طب مانا عارف ان ابني بيحبني؟!
فعلاً انا عارف.. بس اللي فرق هو اني سمعتها..
في وقت كنت محتاج ليها..
فرقت معايا لأنه قالها من غير مناسبة.. ولا علشان جبت له هدية..

الموقف ده خلاني أُدرك قد إيه ابويا السماوي الكبير والرهيب ده في عظمته وسلطانه بيستنى يسمع مني كلمة بحبك يا بابا..
هتفرق معاه لما يسمعها منك وانت مش محتاج منه حاجة..
هيفتخر بيك ويقول تعبي معاه جاب نتيجة..

باشجعك وسط ظروفك حتى لو كانت مش ولابد
.. انك تتعلم تقول كلام حلو لأبوك السماوي..
ياما أكرمك وفرّح قلبك.. فمتبخلش عليه بكلمة..
بحبك_يا_بابا