منتدى الفرح المسيحى

https://upload.chjoy.com/uploads/158938850245531.jpg

طق حنك

مثل صعيدي جميل و مشهور ..
يعني كلام و بس ، شوية كلام ما عليهوش "جمارك" ..

مثلا : يوم وفاة الاب كتير يقولوا لك "ابوك ما ماماتش "
و "احنا جنبك طول الوقت " ..
و من ساعتها و طالع ما تشوفهمش !!

"اي خدمة" ، و "تحت امرك" و "من عيوني الاتنين" ..
و اول ما تقصدههم يتبخروا و يتعذروا و يتهربوا..

"حبيبي" و "قلبي" و "حياتي" ،
و في ضهرك يجيب سيرتك بأسوأ الكلمات و يشهر بسمعتك..

يتكلم عن "الشرف" و "الامانة" و "مخافة ربنا"
و هو بيفتري علي الناس و بياكل حق المظلوم و الفقير ..

"فنان" في المواعظ و النصايح و هو متكبر و واخد قلم في نفسه و آخر واحد يعمل اللي بيقوله ، و بيداري سواده ورا "جلابية التقوي" ..

طق الحنك مفضوح من الله و من الناس ..