منتدى الفرح المسيحى - اتحدى نفسك تدرك تميّزك

https://upload.chjoy.com/uploads/158919405237971.jpg

تعرف إننا بنعيش ونموت ومش بنكتشف معظم مواهبنا وطاقاتنا وإمكانياتنا❗
طيب عمرك فكرت إن ممكن يكون أمهر لاعب كرة قدم
في العالم شخص مش معروف ولا مشهور❗
واحتمال كمان أكتر حد مهيأ يكون جراح ناجح أو ممثل بارع
أو مثلًا رئيس جمهورية مايعرفش ده عن نفسه؟
أنا مقتنع جدًا إن ربنا خلق كل شخص فينا نسخة استثنائية، وخلاه موهوب في حاجة بشكل فريد من نوعه،
فيه ناس اكتشفت مواهبها ونمّتها واستثمرت فيها💪،
وفيه ناس عاشوا وماتوا ماجربوش وماعرفوش وما أدركوش😥

تحدي المرة دي:
أنك ترتب أولوياتك، تنظم تفاصيل يومك، علشان تقدر تصفى وتركز
صلي ربنا يديك حكمة وبصيرة إنك تكتشف ذاتك ومواهبك أكتر🙏🏼
كمان خليك متاح تجرب أفكار جديدة
، فكّر ممكن تعمل إيه مختلف واعمله،
ممكن تتعلم إيه جديد وابدأ اتعلمه

اتحدى نفسك، تدرك تميّزك
بتحداني