منتدى الفرح المسيحى - علاقتي بربنا💪😃

https://upload.chjoy.com/uploads/158904852461421.jpg

هل حاسس أنك فقدت الشغف والحماس في علاقتك مع ربنا؟
طيب هل المفروض نعتمد على مشاعرنا في تقييم علاقتنا بربنا؟
جميل إننا نكون فرحانين وحاسين بمشاعر إيجابية طول الوقت،
لكن لو ده ماحصلش هل ده معناه إن فيه مشكلة في علاقتي بربنا؟
داود كتير وصف مشاعره في المزامير،
وكان بيحس إن الله بعيد وسايبه، وده ممكن يحصل معانا كلنا
إحنا كبشر مشاعرنا مش ثابتة، حاجات كتيرة بتأثر فيها زي
الإرهاق والضغوطات والأحداث... وده طبيعي
علشان كده بلاش نخلي مشاعرنا المقياس الأول
للحكم على علاقاتنا كلها، وخصوصًا علاقتي بربنا
العلاقات التزام، والمحبة اتجاه وأفعال قبل ما تكون مشاعر
التزامي هايحافظ على عمر علاقاتي
فلو حسيت بفتور، دور على السبب وحاول تصلحه لو ممكن
، ولو ماكنش فيه سبب واضح
خليك عارف إن ده وقت طبيعي وهايعدي
لو مشاعرك بردت، كمّل ماتنسحبش💪😃