منتدى الفرح المسيحى - أيه الخمسة نون دول

أيه الخمسة نون دول

https://upload.chjoy.com/uploads/1359106520311.jpg

كل واحد فينا عنده على الأقل مشكلة واحدة أو خطية واحدة في حياته (أكيد في ناس بتضحك دلوقتي وتقول واحدة بس!!!)...
وكتير بنحاول نسيب الخطية دي ساعات بننجح وساعات تانيه نقع ونقع ونقع....
الحل موجود في 5 كلمات بتبدأ بحرف (ن)... لو اقتنعت بالخمسة دول وعرفت تعيشهم هتلاقي الحياة اختلفت وعرفت تسيب الخطية فعلاً. في ناس بتسميهم الكف عشان خمسه يعني خمس صوابع....... جرب كدا..
1- ندرك
................
:ندرك إننا لو فعلآ رجعنا لربنا مهما كانت المصايب اللي عاملينها أو الخطايا اللي واقعين فيها ربنا هيقبلنا وينساها تماماً.
2- نتوب :
..............
ناخد قرار التوبه ونصدق إن ربنا سامحنا ومش هيفضل يفتكر الغلطة أو الخطية دي ويزلنا بيها....
3 - نقوم :
................
نقوم ونسيب الطريق تماماً ونمشي في الطريق العكسي للخطية واللي هو طريق ربنا ونكمل بإيمان.
4- نتجدد :
.............
نتجدد يعني نتعلم كل يوم حاجة جديدة من ربنا وعن ربنا عشان نفضل نتغير لحد ما نبقى شبه ربنا.
"تغيروا عن شكلكم بتجديد أذهانكم" ( رو12: 2 )
5- نفرح :
.............
لما هنصدق إن ربنا غفر خطيتنا واتحررنا وانتصرنا على إبليس بقوة المسيح لازم نفرح بربنا وباللي عمله فينا عشان دا حقنا إننا نفرح وربنا عايزنا نفرح..
"افرحوا بالرب كل حين واقول ايضا افرحوا" (فى 4:4 )