منتدى الفرح المسيحى - نفسي تنتظر الرب ( مز6:130 )

https://upload.chjoy.com/uploads/158879862129311.jpg

جربت تكون مستني حاجة تحصل وانت مش في ايدك اَي حاجة تعملها؟؟
الأنتظار ده من أصعب الأمور اللي ممكن الواحد يمر بيها!
سهل علينا اننا نتكلم عن إيمان إبراهيم وإزاي كان منتظر تتميم الوعد،
أو نحكي عن فترة الصعبة اللي قضاها يوسف لحد ما أحلامه أتحققت،
لكن لما الواحد فينا بيتحط في موقف زي ده بتعدي عليه أفكار ومشاعر متلخبطة
ومبيعرفش يتصرف ازاي. مزمور ٢٧ (لداود) العدد الأخير بيقول "انْتَظِرِ الرَّبَّ.
لِيَتَشَدَّدْ وَلْيَتَشَجَّعْ قَلْبُكَ، وَانْتَظِرِ الرَّبَّ." طيب حأتشدد وأتشجع ازاي؟؟
في صموئيل الأول ٣٠ في حادثة حريق صقلغ وفي الوقت ده داود ورجالته خسروا كتير
و الشعب كمان من الضيق اللي كانوا فيه قلبوا علي داود.
بس الكتاب بيقول علي داود انه في وقت الضيق والأنتظار
وهو لسه مش عارف حيعمل ايه وحيرجع اللي ضاع منه ازاي..
عمل حاجة حلوة اوي "٦وَأَمَّا دَاوُدُ فَتَشَدَّدَ بِالرَّبِّ إِلهِهِ."
بأصلي لي وليك في كل وقت ضيق وانتظار بنعدي فيه اننا نكون متشددين بألهنا القدير
لأنه الهنا هو الرب الذي لا يخزي منتظروه.